Ísland skiptir ekki máli í alþjóðlegu samhengi

Í umræðum í dag um ummæli Jóns Sigurðssonar um stuðning íslensku þjóðarinnar við árásarstríðið í Írak hafði Geir Hilmar Haarde formaður Sjálfstæðisflokksins þetta að segja:

Það er alveg furðulegt stærilæti í fólki sem telur að íslenska ríkisstjórnin eða Íslendingar skipti það miklu máli í alþjóðlegu samhengi og í sambandi við ákvarðanir af þessu tagi að það hafi haft einhver áhrif á atburðarásina sem þarna varð.

Forsætisráðherra þjóðarinnar, sem jafnframt er fyrrum utanríksráðherra, telur Íslendinga og íslensku ríkisstjórnina ekki skipta máli í alþjóðlegu samhengi. Þar höfum við það. En hvað eru við þá að rembast þetta?

Þetta er sami Geir Hilmar og veitir forystu ríkisstjórn sem stendur í kosningabaráttu sem kostar tugi milljóna króna um laust sæti í öryggisráði Sameinuðu þjóðanna. Til hvers að standa í slíku veseni og fjárútlátum fyrst að vægi Íslands í alþjóðlegu samhengi er svona lítið?

Rætt um ræðu Jóns í upphafi þingfundar

Athugasemdir

[Höskuldur Höskuldsson, 30.11.2006 kl. 20:42]

Þetta er hárrétt athugasemd hjá þér !

Hvað erum við að rembast við að komast í öryggisráðið, þegar við - Ísland, Íslendingar -  skiptum engu fjandans máli !!

[Bragi Einarsson, 30.11.2006 kl. 23:28]

jamm, þetta var furðuleg "varnarræða" hr. Harde í dag, svo ekki sé meira sagt. Ég get verið sammála um það að afstaða okkar hefði ekki breitt neinu þeirri ákvörðun Bush-stjórnar að ráðast í Írak, en hvers vegna þá í fjandanum vorum að lepja þetta upp eftir þeim og verja þetta rugl og taka afstöðu með að styðja þá?