Batnandi mönnum er best að lifa

Kratabloggið fagnar þeirri ákvörðun Óskars Bergssonar að biðja um að verktakasamningi hans við Faxaflóahafnir verði rift eins og hefur komið fram í fréttum í dag. Í yfirlýsingu frá Óskari kemur fram að hann telji þá gagnrýni sem beinst hafi að honum að undanförnu ómaklega og af pólitískum rótum sprottna. Hann segir ennfremur: 

Í umræðunni hefur því verið haldið fram að ég sé beggja vegna borðs og þar með ófær um að gera greinarmun á hagsmunum Reykjavíkurborgar og Faxaflóahafna. [...] Það er sannfæring mín að í umræddu verkefni sé ekki um neina hagsmunaárekstra að ræða.

 

Það er miður að Óskar sjái ekki hversu óeðlileg vinnubrögð meirihlutans voru við skipan hans í þetta verkefni, enda klárlega um hagsmunaárekstra að ræða. Vonandi sér Framsóknarflokkurinn að sér við pólitískar skipanir og ráðningar í framtíðinni.

Athugasemdir

[TómasHa, 19.12.2006 kl. 22:12]

Ég segi það, þeir hljóta að hafa lært af þessu að finna betri leiðir til að fela þetta. Kannski að einhverjir Samfylkingarmenn hafi sagt þeim til?