Svafa Grönfeldt er í "réttum" stjórnmálaflokki

Háskólinn í Reykjavík er eins og Verslunarskólinn í eigu aðila sem eru tengdir Sjálfstæðisflokknum sterkum böndum.

Það var því aldrei möguleiki á öðru en að nýr rektor væri "Sjálfstæðismanneskja" eins og það er kallað.

Svafa Grönfeldt fellur í þann flokk en hún er einmitt virk í Sjálfstæðisflokknum. T.d. má sjá að hún studdi við bakið á Guðlaugi Þór Þórðasyni í nýafstöðnu prófkjöri og sömuleiðis var hún á stuðningslista hjá Hönnu Birnu Kristjánsdóttur í fyrrahaust. 

Enginn vafi er á að Svafa er afar hæf í sínu fagi og eflaust góður valkostur fyrir HR. Það sakar hins vegar ekki að hitt komi fram enda er það líka væntanlega ein ástæða þess að mikið af metnaðarfullu fólki sækir inn í Sjálfstæðisflokkinn - hann sér um sína.

Athugasemdir

[Margrét Elín Arnarsdóttir, 27.11.2006 kl. 15:33]

Hafði kannski smá áhrif að Svafa er öflug manneskja úr atvinnulífinu, vel menntuð, og HR hefur það sem stefnu að vera háskóli atvinnulífsins. Blá eða ekki...Pæling!!!

[Nýkratar, 28.11.2006 kl. 15:03]

Líklega hafði það sem þú nefnir meiri áhrif. Vissulega. En það breytir því ekki að Sjálfstæðismenn stýra þessum skóla og þeir voru alltaf líklegir til að velja flokksfélaga sinn í stól rektors.